2015 Rhif 1505 (Cy. 173)

ADDYSG, CYMRU

Rheoliadau Addysg (Cymorth i Fyfyrwyr) (Cymru) (Diwygio) 2015

NODYN ESBONIADOL

(Nid yw’r nodyn hwn yn rhan o’r Rheoliadau)

Mae Rheoliadau Addysg (Cymorth i Fyfyrwyr) (Cymru) 2015 (“Rheoliadau 2015”) yn darparu ar gyfer cymorth ariannol i fyfyrwyr sy’n preswylio fel arfer yng Nghymru ac sy’n dilyn cyrsiau addysg uwch dynodedig mewn cysylltiad â blynyddoedd academaidd sy’n dechrau ar neu ar ôl 1 Medi 2015.

Mae rheoliad 3 yn diwygio rheoliad 3(15) o Reoliadau 2015.

Mae rheoliad 4 yn diweddaru croesgyfeiriad yn rheoliad 10(2)(b) o Reoliadau 2015.

Mae rheoliad 5 yn gwneud diwygiadau i baragraffau 2, 4 a 6 o Atodlen 5 i Reoliadau 2015.

Mae rheoliad 6 yn ychwanegu geiriau egluro at baragraff 4 o Atodlen 6 i Reoliadau 2015.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.

 

 

 

 

2015 Rhif 1505 (Cy. 173)

ADDYSG, CYMRU

Rheoliadau Addysg (Cymorth i Fyfyrwyr) (Cymru) (Diwygio) 2015

Gwnaed                             8 Gorffennaf 2015

Gosodwyd gerbron Cynulliad Cenedlaethol Cymru       13 Gorffennaf 2015

Yn dod i rym                              3 Awst 2015

Mae Gweinidogion Cymru, drwy arfer y pwerau a roddwyd i’r Ysgrifennydd Gwladol gan adrannau 22 a 42(6) o Ddeddf Addysgu ac Addysg Uwch 1998([1]), ac sydd bellach yn arferadwy ganddynt hwy([2]), yn gwneud y Rheoliadau a ganlyn:

Enwi, cychwyn a chymhwyso

1.—(1)(1) Enw’r Rheoliadau hyn yw Rheoliadau Addysg (Cymorth i Fyfyrwyr) (Cymru) (Diwygio) 2015.

(2) Daw’r Rheoliadau hyn i rym ar 3 Awst 2015 ac maent yn gymwys o ran Cymru.

Diwygio

2. Mae Rheoliadau Addysg (Cymorth i Fyfyrwyr) (Cymru) 2015([3]) wedi eu diwygio yn unol â’r rheoliadau a ganlyn.

3. Yn rheoliad 3(15) (dirymu, arbedion a darpariaethau trosiannol) yn lle “2014” rhodder “2015” ym mhob lle y mae’n ymddangos yn y paragraff hwnnw.

4. Yn rheoliad 10(2)(b) (terfynau amser) yn lle’r geiriau “reoliad 21(4)” rhodder “reoliad 21(7)”.

5. Yn Atodlen 5 (asesiad ariannol)—

(a)     ym mharagraff 2(1)(h) yn lle’r geiriau “paragraff 5(10)” rhodder “paragraff 5(9)”;

(b)     ym mharagraff 4(1)(b) yn lle’r gair “bensiwn” rhodder “bremiwm”;

(c)     ym mharagraff 6(1) yn lle’r geiriau mewn cromfachau rhodder “(ac eithrio is-baragraffau (8), (9) a (10) o baragraff 5)”.

6. Ym mharagraff 4(3) o Atodlen 6 (asesiad ariannol – grantiau rhan-amser ar gyfer dibynyddion) ar ôl y geiriau mewn dyfynodau ond cyn y cromfach gau mewnosoder y geiriau “yn y paragraff hwn”.

 

 

 

Huw Lewis

Y Gweinidog Addysg a Sgiliau, un o Weinidogion Cymru

8 Gorffennaf 2015